JENTI Tools ek free online business toolkit hai jo Indian small businesses ke liye specially banaya gaya hai. Isme invoice generator, inventory manager, label maker, GST calculator, unit converter, aur size visualizer sab ek jagah milte hain.
Koi software download nahi karna, koi account banana nahi, koi payment nahi. Bas browser mein kholo aur use karo.
Haan, bilkul free hai. Koi subscription nahi, koi hidden charge nahi, koi premium plan nahi. Saare tools poori tarah free hain.
Hum Google ads ke zariye website chalate hain. Jab aap site use karte ho, ads se thodi earning hoti hai jo hamare kharche cover karta hai.
Aapka poora data aapke apne device ke browser mein save hota hai — iske alawa kahin nahi jaata. Hum koi server pe aapka data store nahi karte, na hi hum use kabhi dekhte hain.
Iska matlab yeh bhi hai ki agar aap browser clear karte ho ya phone change karte ho, toh data chala jaata hai. Isliye important invoices WhatsApp pe share karo ya JSON backup lo.
Haan, JENTI Tools mobile, tablet, aur laptop — sab pe kaam karta hai. Design mobile-first hai, yani phone pe use karna bilkul aasaan hai.
1) Pehle Business Setup mein apni shop ki details save karo — naam, phone, address, logo. Yeh ek baar karo.
2) Customer ka naam, shop naam aur phone bharo. Purane customers auto-suggest honge.
3) Items add karo — description, quantity, rate, discount aur GST ke saath.
4) "Generate Invoice" dabao — A5 size ka preview dikhega.
5) PDF download karo ya WhatsApp pe seedha share karo.
Business Setup mein apna GSTIN number daalo. Yeh automatically har invoice pe print hoga. Agar aapke paas GST number nahi hai toh khali chhod sakte ho.
Haan. Har naye invoice pe number automatically ek badh jaata hai. Aap starting number bhi set kar sakte ho Business Setup mein.
Invoice History section mein saare purane invoices save rehte hain. Wahan se dobara download ya share kar sakte ho.
1) Label Generator mein jaao.
2) Product naam aur price bharo — yeh zaroori hain.
3) Brand, SKU, manufacture date, expiry date optional hain.
4) Label color, size (chhota, medium, bada) aur kitne labels chahiye yeh choose karo.
5) "Generate Labels" dabao, phir "Download PNG" karo ya seedha print karo.
Haan. Barcode SKU se automatically ban jaata hai. Agar SKU khali chhodo toh ek random number se barcode ban jaata hai.
QR code ke liye aap apni website ya WhatsApp link daal sakte ho. Agar khali chhodo toh JENTI Tools ka link aa jaata hai.
Labels 350 DPI quality mein download hote hain — yeh direct print ke liye ready hoti hai. Normal screen resolution 72-96 DPI hoti hai, lekin 350 DPI pe printing sharp aur clear aati hai.
Inventory section mein jaao aur apne items add karo — naam, quantity, unit, rate aur category ke saath. Low stock alert bhi set kar sakte ho.
Jab maal aaye toh "Stock In", jab bike toh "Stock Out" use karo. Stock automatically update ho jaata hai.
Invoice banate waqt inventory se seedha item select kar sakte ho — naam aur rate automatically aa jaate hain.
Haan. Jab bhi invoice PDF download karte ho, us invoice mein jo items hain unki quantity automatically inventory se minus ho jaati hai. Yeh feature tab kaam karta hai jab item ka naam inventory mein exactly match kare.
Exclusive GST: Aapke paas ek amount hai jisme GST nahi hai, aur aap GST add karna chahte ho. Jaise 1000 rupaye ka saman hai, 18% GST add karo — total 1180 hoga.
Inclusive GST: Aapke paas final price hai jisme GST already hai, aur aap jaanna chahte ho ki GST alag karne ke baad original price kya thi. Jaise 1180 rupaye mein 18% GST nikalo — original price 1000 hogi.
Weight aur unit daalo (kg, gram, pounds, ounce) aur rate per kg daalo. Calculator automatically total price, weight in different units, aur per gram price bata deta hai.
Yeh specially un business owners ke liye useful hai jo maal weight ke hisaab se bechte hain — jaise kirana, dry fruits, ya cloth shops.
Pehli baar site load hone ke baad kuch basic tools offline bhi kaam karte hain. Lekin PDF generation aur barcode ke liye CDN libraries chahiye hoti hain jo internet se load hoti hain. Isliye internet connection hona better hai.
Invoice History page pe "Backup (JSON)" button se apna poora data ek file mein download kar sakte ho. Yeh file safe jagah rakh lo.
Nayi device pe ya baad mein "Restore" button se woh file upload karo — saara data wapas aa jaayega.
Koi limit nahi hai. Agar items zyada hoon toh invoice automatically multiple pages mein split ho jaata hai. Pehle page pe 18 items, agle pages pe 19-19 items aa jaate hain.
Pehle browser refresh karo. Agar problem phir bhi aaye toh Contact page pe jaao aur email karo. Hum 24 se 48 ghante mein jawab dete hain.
Aap YouTube channel pe bhi comment kar sakte hain.